اسلام آباد (آن لائن، این این آئی )وفاقی دارالحکومت کے ریڈ زون کو ایک بار پھر سرد موسم میں گرم کر دیا گیاہے،ملک کی گیارہ جماعتیں ایک جماعت کے خلاف ملک کے آئینی ادارے کے خلاف سراپا احتجاج ہو گئے ہیں ،اس موقع پر الیکشن کمیشن آف پاکستان کی حفاظت کے لیے

پنجاب رینجرز سمیت پولیس و دیگر سیکورٹی کے 1800 کے قریب نفری تعینات ہے،10 واک تھرو گیٹس بھی نصب کر دئیے گئے ہیں،ایس او پیز کے مطابق کوئی بھی مظاہرہ میں موجود شخص کو الیکشن کمیشن کے اندر جانے کی اجازت نہ تھی،پولیس اور سی ڈی اے کے واٹر ٹینکرز بھی موجود اور بم ڈسپوزل اسکواڈ کے ساتھ رات سے صبح تک 3بار سوئیپنگ کا عمل بھی مکمل کیا گیا۔دوسری جانب اسلام آبادٹریفک پولیس نے پی ڈی ایم کے متوقع جلسے کیلئے ٹریفک ڈائیورشن پلان جاری کر دیا۔پلان کے مطابق راولپنڈی سے بہارہ کہو جلسے کے شرکا کلب روڈ استعمال کریں گے ،شرکاء جناح کنونشن سینٹر میں مخوص کردہ پارکنگ میں اپنی گاڑیاں پارک کریں گے ۔روات،جی ٹی روڈ اور کورال براستہ ایکسپریس وے استعمال کریں ،ریڈ زون اور بری امام سے آنے والے شہری مری روڈ کا استعمال کریں ۔ سپریم کورٹ،ایوان صدر اور پی ایم ہائوس جانے والے مارگلہ روڈ کا استعمال کریں ۔ میریٹ ہوٹل جانے والے شہری ایوب چوک کا استعمال کریں ۔