راولپنڈی (این این آئی ، مانیٹرنگ ڈیسک)گزشتہ روزراولپنڈی میں بہن بھائی کو قتل کرنے والے 15 سالہ نوجوان نے خودکشی کر لی، میڈیا رپورٹس کے مطابق ملزم نے قتل کی واردات کے بعد موقع سے فرار ہوتے ہوئے اپنی زندگی کے خاتمے کا عندیہ تھا۔ایچ ایس او مندرہ پولیس

نفری کے ہمراہ موجود ہیں، فرانزک ٹیموں کو طلب کر کے شواہد اکٹھے کیے جا رہے ہیں۔ نعش کو پوسٹ مارٹم کے لیے ہسپتال منتقل کیا جا رہا ہے۔تمام زاویوں پر تحقیقات اور فرانزک شواہد کی روشنی میں تفتیش کو آگے بڑھایا جائے گا۔یاد رہے کہ گزشتہ روزتھانہ مندرہ کے علاقے کوری دولال میں 15 سالہ لڑکے نے اپنے ہی بڑے بھائی اور بہن کو مار دیا اورماں کو زخمی کر دیا تھا۔ پولیس کے مطابق اورنگزیب کے اہل خانہ رات کو معمول کے مطابق سوئے لیکن صبح کمروں میں 24 سالہ حسن زیب اور 18 سالہ عاصمہ اورنگزیب مردہ حالت میں ملے، ان کی والدہ نصیراں شدید زخمی حالت میں بے ہوش ملی، پولیس نے دونوں مردوں کو تحویل میں لے کر فرانزک ٹیم کے ذریعے شہادتیں اکٹھی کرکے پوسٹ مارٹم کے لیے ہسپتال منتقل کردیں۔ایس ایچ او مندرہ یاسر محمود عباسی نے کہا کہ ابتدائی تفتیش میں انکشاف ہوا ہے کہ مقتولین کو ان کے 15 سالہ حقیقی بھائی احسن نے فائرنگ کرکے مار دیا اور فائرنگ میں اس کی والدہ بھی زخمی ہوگئی۔

ملزم نویں جماعت کا طالب علم ہے اور بظاہر قتل گھریلو رنجش کا شاخسانہ لگتا ہے،میڈیا ذرائع کے مطابق پندرہ سالہ ملزم احسن زیب کے بارے میں علاقہ مکینوں کا کہنا ہے کہ وہ گیمز کھیلنے کا بہت زیادہ شوقین تھا جس پر اس کے بہن بھائی اور گھر والے مخالفت کرتے تھے اور اس اپنی پڑھائی پر توجہ دینے کے لئے کہتے تھے لیکن ابھی کوئی حتمی بات نہیں کی جا سکتی۔