اسلام آباد (آن لائن ) مسلم لیگ فنکشنل کے سیکرٹری جنرل محمد علی درانی نے کہا ہے کہ انتظامی، سیاسی اور معاشی بحران میں ہر طبقے کو ساتھ لیکر چلنے کی بہت کوشش کی لیکن ملک میں جاری ٹکراؤ کی صورتحال کے باعث کوئی کوشش آگے نہ بڑھ سکی۔ میڈیا نمائندوں سے گفتگو کرتے ہوئے
محمد علی درانی نے کہا کہ ٹریک ٹو میں نئی حکمت عملی سامنے لیکرآئیں گے، ریاست کو ڈائیلاگ کوآگے بڑھانے کیلیے کردار ادا کرنا چاہیے۔ مذاکرات کے لیے ریاست کا کردار اہم ہوگا۔ واضح رہے کہ گزشتہ دنوں محمد علی درانی نے کوٹ لکھپت جیل میں اپوزیشن لیڈر شہباز شریف سے ملاقات کی تھی۔
