اسلام آباد(مانیٹرنگ ڈیسک)مریم نواز شریف اور بلاول بھٹو زرداری کی ملاقات میں استعفوں پر اتفاق ہو گیا ۔ تفصیلات کے مطابق ن لیگ کی نائب صدر مریم نواز اور پی پی چیئرمین کے مابین اس بات پر اتفاق ہوا ہے کہ استعفے اسپیکرز کو نہیں بھجوائے جائیں گے ۔ مریم نواز کی نوڈیرو سے روانگی کے وقت بلاول بھٹو زرداری سے غیر رسمی گفتگو ہوئی۔
نجی ٹی وی رپورٹ کے مطابق ذرائع نے بتایا ہے کہ ارکان کی جانب سے بھجوائے جانے والے استعفوں کو پارٹی قیادت تک محدود رکھا جائے گا ۔ مریم نواز اور بلاول بھٹو کا لانگ مارچ کر کے حکومت پر دباؤ بڑھانے پر بھی اتفاق رائے ہوا۔ذرائع کا یہ بھی کہنا ہے کہ پیپلز پارٹی کے سی ای سی اجلاس میں استعفوں سے متعلق حتمی فیصلہ کیا جائے گا ۔
