اسلام آباد(مانیٹرنگ ڈیسک) سابق وزیراعظم شاہد خاقان عباسی امریکہ روانہ ہو گئے، نجی ٹی وی چینل کی رپورٹ کے مطابق شاہدخاقان عباسی امریکہ میں 2ہفتے قیام کریں گے،وہ امریکہ میں اپنی ہمشیرہ اوربہنوئی کی عیادت کے لئے گئے ہیں۔ یاد رہے کہ گزشتہ روز سابق وزیر اعظم شاہد خاقان عباسی کا نام ای سی ایل سے نکال
دیا گیا تھا،حکومتی ذرائع کا کہنا ہے کہ شاہد خاقان عباسی نے ایک ماہ کیلئے بیرون ملک جانے کی اجازت مانگی تھی۔انسانی ہمدردی اور خصوصی کیس کے طور پر پندرہ دن کیلئے جانے کی اجازت دی ہے۔ شیخ رشید نے وزیر داخلہ بننے کے بعد سب سے پہلا شاہد خاقان عباسی کا نام ہی ای سی ایل سے نکالا ہے۔
