اسلا م آباد (آن لائن) وزیراعظم عمران خان کے معاون خصوصی ڈاکٹر شہباز گل نے کہا ہے کہ قوم منافقت میں ما ہر مریم صفدر سے یہ جاننا چاہتی ہے کہ نواز شریف اسرائیل کا ایجنٹ کیوں بنا؟ اب مولانا اجمل قادری نے اعتراف کیا ہے کہ سابق ویراعظم
کے اسرائیل بھیجے گئے وفد میں وہ بھی شامل تھے۔ ٹویٹر پر اپنے ایک ٹویٹ میں شہباز گل نے کہا کہ مریم صفدر کے ٹوئٹر پر اقرار کے بعد کہ میاں نوازشریف نے 2 بار وفد اسرائیل بھیجا، اب مولانا اجمل قادری نے اعتراف کیا ہے کہ سابق ویراعظم کے اسرائیل بھیجے گئے وفد میں وہ بھی شامل تھے۔انہوں نے کہا کہ جھوٹ، مکر، فریب، فراڈ اور کرپشن، منافقت میں ماہر مریم صفدر سے اب قوم سوال پوچھتی ہے کہ نواز، اسرائیل کا ایجنٹ کیوں بنا؟ ڈاکٹر شہباز گل نے مزید لکھا کہ نریندرا مودی کے ساتھ کھٹمنڈو میں ملاقاتوں کا راز تو برکھا دت نے فاش کر دیا تھا، اب مولانا اجمل قادری نے بھی پردہ اٹھا دیا کہ نواز شریف نے انہیں اسرائیل بھیجا تھا، اب سمجھ آئی کے کہ نواز دن رات پاکستانی فوج کے خلاف زہر کیوں اگلتا ہے، اب قوم جاننا چاہتی ہے کہ یہ کھیل کب سے کھیلا جا رہاْہے۔
