لاہو ر(این این آئی) مسلم لیگ(ن)پنجاب کی سیکرٹری اطلاعات عظمی بخاری نے کہا ہے کہ مستحق فنکاروں کودربدر کرنے کا کریڈٹ عثمان بزدار کوجاتا ہے،بزدار حکومت اڑھائی سالوں میں مستحق فنکاروں کے 20کروڑ کے فنڈ ہضم کرگئی۔
فردوس عاشق کے بیان پر ردعمل کا اظہار کرتے ہوئے عظمی بخاری نے کہاکہ شہبازشریف حکومت نے پہلی مرتبہ مستحق فنکاروں کیلیے آرٹسٹ سپورٹ فنڈ قائم کیا،شہبازشریف نے پانچ سال فنکاروں کو ماہانہ بیس ہزار کے امدادی چیک دئیے۔عثمان بزدار نے آتے ہی پہلے سالانہ فنڈز میں کمی کی پھر فیاض چوہان نے تھیٹر کی من پسند اداکاروں خوشامدی چیک تقسیم کیے۔آج بزدار حکومت مستحق فنکاروں کو ماہانہ پانچ ہزار کے چیک دے رہی ہے وہ بھی فرمائشی فنکاروں کو چیک دیے جارہے ہیں۔اس ناپاک حکومت نے بیروزگار فنکاروں کو بھی نہیں بخشا۔
