اسلام آباد(مانیٹرنگ ڈیسک) بلاول بھٹو کی شہباز شریف سے ملاقات پر مولانا کو پریشانی لگ گئی، اس بات کا دعویٰ معروف صحافی رانا عظیم نے کیا، انہوں نے کہا کہ مولانا فضل الرحمن بلاول بھٹو کی شہباز شریف سے کی جانے والی ملاقات سے
پریشان ہیں۔رانا عظیم کا کہنا تھا کہ اگر مریم نواز کو اپنی جماعت پر بھروسہ ہوتا تو استعفے نہ مانگتیں۔تین ایم پی ایز ن لیگ کے اجلاس میں موجود نہیں تھے۔مریم نواز نے لاہور جلسے کے بارے میں کہا کہ جلسہ میری توقع کے مطابق نہیں تھا، ن لیگ کے اجلاس میں بڑے تلخ سوالات ہوئے، معروف صحافی نے کہا کہ میری اطلاع کے مطابق جب انہیں پتہ چلا کہ بلاول بھٹو اور شہباز شریف کی ملاقات ہو رہی ہے تو اسی وقت سے انہیں پریشانی لگ گئی، اس موقع پر مولانا فضل الرحمان نے مریم نواز سے شکوہ کیا کہ شہباز شریف سے بلاول کو جیل میں ملاقات کرنے کی کیا ضرورت تھی۔ رانا عظیم نے کہا کہ بلاول بھٹو سے مولانا فضل الرحمان ناراض ہیں۔
