اسلام آباد(آن لائن)احتساب عدالت کے جج اصغرعلی کی عدالت میں زیر سماعت اومنی گروپ کے خلاف جعلی کاشتکار بنا کر سبسڈی کے کیس میں شریک ملزم نہال انور کا انتقال ہوگیا دیگر ملزمان پر آئندہ سماعت کو فردجرم عائد کی جائیگی ،گذشتہ روز سماعت کے دوران ریفرنس کے چار اشتہاری ملزمان کی جائیداد ضبطگی کی رپورٹ

عدالت میں پیش کی گئی اس موقع پر نیب کی طرف سے ریفرنس کے شریک ملزم نہال انورسے متعلق بتایاگیاکہ وہ انتقال کر گئے اور ڈیتھ سرٹیفکیٹ عدالت میں پیش کیاگیا عدالت نے آئندہ سماعت پر فردجرم عائد کرنے کیلئے تمام ملزمان کو حاضری یقینی بنانے کی ہدایت کرتے ہوئے ریفرنس کی سماعت 7 جنوری تک ملتوی کردی۔

موضوعات:نیب