ایبٹ آباد (این این آئی) ایبٹ آباد کے نواحی علاقے میرا میں مسافر وین کھائی میں گرنے سے 7 افراد جاں بحق ہوگئے۔پولیس کے مطابق حادثے کا شکار مسافر وین بانڈ سے ایبٹ آباد کے نواحی علاقے میرا جا رہی تھی کہ حادثے کا شکار ہوگئی، وین کھائی میں گرنے سے 7 افراد جاں بحق، 13 زخمی ہوگئے۔پولیس کے مطابق مسافر

وین میں ڈرائیور اور 14 خواتین سوار تھیں، جو جنازے سے واپس گھر جا رہی تھیں، اس اثنا میں وین موڑ کاٹتے ہوئے حادثے کا شکار ہوئی اور کھائی میں جا گری۔لاشوں کو ضروری کارروائی اور زخمیوں کو طبی امداد کیلئے بے نظیر شہید ہسپتال منتقل کر دیا گیا، ہسپتال انتظامیہ کے مطابق 5 خواتین کی حالت تشویش ناک ہے۔