لاہور(این این آئی)مسلم لیگ (ن)کے رہنما جاوید لطیف نے انکشاف کیا ہے کہ مریم نواز نے پارٹی میں احتساب کی بات کی ہے۔ نجی ٹی وی کے مطابق مسلم لیگ (ن)کے سینئر رہنما جاوید لطیف نے ایک انٹرویومیں کہا کہ ہماری پارٹی کی اسٹیبلشمنٹ
اب کمزور ہوگئی ہے، لوگ ایسے ہیں جو وکٹ کے دونوں طرف کھیل رہے ہیں۔انہوں نے کہا کہ وکٹ کے دونوں طرف کھیلنے والوں کو قیادت جانتی ہے، مریم نواز نے پارٹی میں جزا اور سزا کی بات کی۔جاوید لطیف نے انکشاف کیا کہ پارٹی میں کام کرنے والوں کو شکایت تھی جس کا اظہار خواجہ سعد رفیق نے کیا، سعد رفیق کام نہ کرنے والوں کو جانتے تھے اس لیے انہوں نے بات بھی کی۔مسلم لیگ ن کے رہنما کے مطابق سعد رفیق کی بات آگے بڑھاتے مریم نواز نے بھی کہا کہ اب احتساب ہوگا، سعد رفیق کی جگہ کوئی بھی انچارج ہوتا تو ڈیوٹیاں نبھانے کی بات کرتا۔جاوید لطیف نے واضح کیا کہ مسلم لیگ ن کی مرکزی نائب صدر مریم نواز نے کہا کہ اب احتساب ہوگا۔
