کراچی (این این آئی)مرکزی رویتِ ہلال کمیٹی پاکستان کے چیئرمین مفتی منیب الرحمن نے اعلان کیا ہے کہ ماہِ جُمَادَی الئُاولٰی کا چاند نظرنہیں آیا،یکم جُمَادَی الئُاولٰی 1442جمعرات17،دسمبر 2020ء کو ہوگی۔ دریں اثنا آج مرکزی رویتِ ہلال کمیٹی
پاکستان کا اجلاس مفتی منیب الرحمن کے زیرِ صدارت دفترمحکمہئ موسمیات (میٹ کمپلیکس)، موسمیات چورنگی، یونیورسٹی روڈ کراچی میں منعقد ہوا۔زونل رویتِ ہلال کمیٹی کراچی سے مولانا حافظ محمد سلفی،قاری نذیر احمد نعیمی، قاری محمد اقبال،مولانا محمد صابر نورانی،علامہ سید علی کرار نقوی،ڈائرکٹر اسپیس سائنس سپارکو غلام مرتضیٰ نے شرکت کی اور ڈائرکٹرمحکمہئ موسمیات عبدالقیوم بھٹو نے اجلاس کے انعقاد کے لئے تمام سہولتیں فراہم کیں۔پاکستان بھر میں صوبائی وضلعی اور زونل رویتِ ہلال کمیٹیوں کے اجلاس ان کے متعلقہ ہیڈکواٹرز پر منعقد ہوئے۔اکثر مقامات پر مطلع ابر آلود تھا یا غبار آلود، پاکستان بھر میں کسی بھی مقام سے رویت کی شہادت موصول نہیں ہوئی، محکمہئ موسمیات کے تمام مراکزسے بھی عدمِ رویت کی رپورٹ موصول ہوئی، لہٰذا اتفاقِ رائے سے فیصلہ کیا گیاکہ جُمَادَی الئُاولٰی 1442کا چاند نظرنہیں آیا،یکم جُمَادَی الئُاولٰی 1442ھ جمعرات17دسمبر 2020کو ہوگی۔
