اسلام آباد،لاہور(مانیٹرنگ ڈیسک،این این آئی )سینئر صحافی اور تجزیہ کار عارف حمید بھٹی نے انکشاف کیا ہے کہ مریم نواز نے لاہورجلسے میں بڑا ہجوم نہ لانے والوں کی انکوائری کے لیے دو لوگوں کو مامور کر دیا ہے۔پروگرام کے دوران تجزیہ پیش کرتے ہوئے انہوں نے کہا کہ

مسلم لیگ ن کے کچھ عہدے داران ،ایم این اے اور ایم پی اے سے بات ہوئی جن کے مطابق مریم نواز سخت سیخ پا ہیں۔مریم نواز نے پارٹی قائدین سے کہا میرا اتنا پیسا تقسیم ہوا، اتنے وعدے کیے گئے لیکن لاہور جلسے میں زیادہ لوگ کیوں نہیں آ سکے۔تمام لوگ جو ریلیاں لے کر جلسے میں آئے تھے مجھے اس کی ویڈیو زبھیجیں۔مریم نواز نے مزید کہا کہ ایک بات یاد رکھ لیں اس جلوس میں شرکت نہ کرنے والوں نے نہ صرف میرے بلکہ نواز شریف کے بیانیے کی مخالفت کی ہے، میرے پاس ایسے لوگوں کے لیے کوئی گنجائش نہیں ہے۔عارف حمید بھٹی کے مطابق مریم نواز نے اندرونی طور پر دو لوگوں کو ایسے لوگوں کی انکوائری پر مامور کر دیا ہے جو جلسے میں بڑا ہجوم نہیں لا سکے۔دریں اثنا مسلم لیگ (ن) کے مرکزی رہنما خواجہ سعد رفیق نے لاہور کے جلسے کو تاریخی قرار دیتے ہوئے کہا ہے کہ میں نے اپنی سیاسی تاریخ میں ایسا جلسہ نہیں دیکھا۔ احتساب عدالت میں پیشی کے موقع پر میڈیا سے گفتگو کرتے ہوئے انہوں نے کہا کہ ماڈل

ٹائون سیکرٹریٹ میں ہونے والے مشترکہ اجلاس میںکوئی بات نہیں کی، اگر کوئی ویڈیو ہے تو سامنے لائیں، مینا رپاکستان پر بہت بڑا مجمع تھا آپ پراپیگنڈہ کا شکار ہو رہے ہیں،میری باتوں کو ٹوئسٹ کر کے چلایا جا رہا ہے، سب کو پتہ ہے کچھ خبریں چلوائی جاتی ہیں۔سعد رفیق نے گلہ خراب ہونے کی وجہ سے میڈیا سے زیادہ بات نہ کی۔