اسلام آباد(آن لائن) وفاقی وزیر برائے منصوبہ بندی اسد عمر نے کہا ہے کہ میڈیا سے بات چیت میں سر جھکے ہوئے، کندھے گرے ہوئے، آنکھوں میں غم اور پریشانی، لگتا ہے اپوزیشن کے اکابرین کسی بہت بڑے سیاسی حادثے کا شکار ہوئے ہیں۔سماجی رابطوں کی
ویب سائٹ ٹوئٹر پر اپنے ٹوئٹ میں اسد عمرنے کہا جب مولانا نے انتہائی سنجیدہ چہرے کے ساتھ مطالبہ کیا کہ 31 جنوری تک حکومت مستعفی ہو جائے تو مجھے ڈر لگا کے اگر عمران خان ٹیلی ویژن دیکھ رہے ہوں تو کہیں ہنستے ہنستے کرسی سے نہ گر جائیں۔
