پشاور،لاہور( آن لائن) مینار پاکستان جلسے میں شرکت کیلئے جانے والا مسلم لیگ نواز کا قافلہ موٹر وے پر حادثے کا شکار ہوگیا جس سے متعدد کارکن زخمی ہوگئے۔تفصیلات کے مطابق پنجاب کے دارالحکومت لاہور میں واقع تاریخی مقام مینار پاکستان پاکستان کی نامور اور غیر معروف
سیاسی جماعتوں کی جانب سے جلسے کا انعقاد کیا گیا ہے جس میں شرکت کیلئے صوبہ خیبرپختونخوا سے بھی کارکنان شریک ہورہے ہیں۔مسلم لیگ نواز خیبرپختونخوا کے کارکنان کی گاڑیاں آپس میں ٹکرانے سے متعدد کارکن زخمی ہوگئے اور گاڑی کو بھی شدید نقصان پہنچا ، گاڑیوں کے آپس میں ٹکرانے کے باعث موٹروے پر ٹریفک کی روانی متاثر ہوگئی ۔دریں اثنا مسلم لیگ (ن) کی نائب صدر اور سابق وزیر اعظم نواز شریف کی صاحبزادی نے لاہور جلسہ کیلئے خصوصی لباس زیب تن رکھا تھا جس پر اپنے والد نواز شریف کی تصویر لگا رکھی تھی،مریم نواز نے جلسے کیلئے اپنے والد کی تصویر والا خصوصی لباس تیار کروایا ہے یہ لباس مسلم لیگ ن کی رہنما اور فیشن ڈیزائنر حناپرویز بٹ نے تیار کیا۔ نائب صدر مسلم لیگ ن مریم نواز جلسے کیلئے روانگی کے موقع پر پیغام میں کہا کہ عوام ملک کی خاطرآج باہر نکلیں اورحکومت کو آخری دھکا لگائیں، لاہور والوں کو پیغام ہے کہ آپ کی مشکلات کااحساس ہے۔
مینار پاکستان جلسے کیلئے جاتی امرا سے روانگی کے موقع پر مریم نواز کا کہنا تھا کہ عوام پی ڈی ایم کی کال پر نہیں، عوام کی کال پرپی ڈی ایم باہرنکلی ہے۔ انہوں نے کارکنان سے اپیل کی کہ وہ کورونا ایس او پیز پر عمل کریں اور جلسے میں ماسک پہن کر آئیں۔
