اسلام آباد (مانیٹرنگ ڈیسک) معروف صحافی رؤف کلاسرا نے اپنے یو ٹیوب چینل پر گفتگو کرتے ہوئے کہا کہ سابق وزیر داخلہ بریگیڈیئر (ر) اعجاز شاہ درمیانی راستہ اختیار کرنے کے قائل تھے ان کا خیال تھا کہ حکومت کو سیاسی معاملات میں نرمی

سے کام لینا چاہیے لیکن عمران خان سخت راستہ اپنانا چاہتے تھے اس لیے وہ ان سے زیادہ خوش نہیں تھے۔معروف صحافی نے دعویٰ کیا کہ عمران خان اور اعجاز شاہ کی نہیں بن رہی تھی، اعجاز شاہ چاہتے تھے کہ عمران خان سیاسی معاملات کو تھوڑا کنٹرول میں رکھیں۔اعجاز شاہ مقابلے کی سیاست نہیں کرنا چاہتے تھے لیکن عمران خان بالکل ہاتھ رکھنے کے موڈ میں نہیں تھے اس لیے انہیں اعجاز شاہ کی باتیں زیادہ پسند نہیں آرہی تھی۔رؤف کلاسرا نے کہا کہ عمران خان ایف آئی اے کو سیاستدانوں کے خلاف متحرک کرنا چاہتے تھے، اس معاملے پر بھی عمران خان اور اعجاز شاہ کی نہیں بن رہی تھی، اعجاز شاہ عمران خان کے ساتھ دشمنی والے راستے پر نہیں جانا چاہتے تھے، اپوزیشن کو دبانے کیلئے عمران خان شہزاد اکبر کو لائے تھے۔ رؤف کلاسرا نے کہا کہ ابھی بھی اعجاز شاہ کی بجائے شہزاد اکبر کی چل رہی تھی۔