لاہور(مانیٹرنگ ڈیسک) معروف اینکر اقرارالحسن پر نامعلوم افراد نے حملہ کر دیا،اس حملے میں اینکر شدید زخمی ہو گئے، معروف اینکر اقرارالحسن اس وقت لاہور میں پی ڈی ایم کے جلسے کی کوریج کیلئے موجود ہیں، جہاں پر وہ حملے میں زخمی ہو گئے ہیں، اینکر نے

سوشل میڈیا پر اپنی پوسٹ میں اپنی تصویر شیئر کی اور ساتھ لکھا کہ کے بلاک ڈی ایچ اے پولیس اسٹیشن کے بالکل سامنے مجھ پر نامعلوم افراد نے حملہ کیا ہے۔انہوں نے کہا کہ نامعلوم افراد فائرنگ کرتے ہوئے فرار ہو گئے۔اقرارالحسن اے آر وائے چینل سے وابستہ ہیں اور وہ کریمنل اور کرپٹ لوگوں کو بے نقاب کرنے میں نمایاں کردار ادا کر رہے ہیں، شاید یہی وجہ ہے کہ ان پر فائرنگ کی گئی ہے۔ معروف اینکر اے آر وائی نیوز کے پروگرام سرعام کے میزبان اور تحقیقاتی صحافی ہیں، نجی ٹی وی چینل کے مطابق پروگرام سرعام کے اینکر نے اپنے اوپر ہونے والے حملے سے متعلق آگاہ کیا تو ساتھی صحافیوں اور مداحوں نے سلامتی کے حوالے سے دعائیں دیں اور حملے کی شدید الفاظ میں مذمت بھی کی۔یاد رہے کہ اقرار الحسن ان دنوں لاہور میں ہیں، وہ پی ڈی ایم کے جلسے کے حوالے سے لاہور کی سیاسی گہما گہمی اور ماحول ناظرین تک پہنچانے کے لیے پروگرام ریکارڈ کرنے گئے تھے۔اقرار الحسن کا لاہور جلسے کے حوالے سے پروگرام آج سات بجے کے بعد نشر کیا جائے گا، جس کا پرومو اینکر اقرار الحسن نے سوشل میڈیا پر بائیس گھنٹے قبل شیئر کر دیا تھا۔