اسلام آباد (مانیٹرنگ ڈیسک )سینئر تجزیہ کار کامران خان نے کہا ہے کہ پاکستان ڈیمو کریٹ موومنٹ نے وزیراعظم عمران خان کو جنوری میں گھر بھیجنے کادعویٰ کیا ۔ سینئر صحافی کے مطابق تحریک کا مضحکہ خیزانجام ہوچکا استعفوں کا بلبلہ فوری پھوٹ گیا ہے۔
کامران خان نے اپنے ولاگ میں کہا ہے کہ پاکستان پیپلز پارٹی کے رہنما اعتزاز احسن نے کہا ہے استعفوں کا کوئی فائدہ نہیں ہو گا ا سطرح تو کسی صورت سینٹ الیکشن نہیں روکے جا سکتے ۔ پاکستان پیپلزپارٹی چیئرمین بلاول نے مریم نواز سے کہا ہ کہ اس تجویز سے ہمیں دور رکھیں ، پیپلز پارٹی کبھی بھی سندھ حکومت سے استعفے دے کر اپنی حکومت کو ختم نہیں کرے گا ۔ سینئر تجزیہ کار نے پاکستان ڈیمو کریٹ موومنٹ میں شامل اپوزیشن جماعتوں کو مشورہ دیا ہے کہ 2023سے قبل تو عمران خان کوہرانا مشکل ہے اس کیلئے انہیں اگلے عام انتخابات کا انتظار کرنا پڑے گا ۔
