اسلام آباد(مانیٹرنگ ڈیسک)خیبر پختونخوا میں حکومتی جماعت پاکستان تحریک انصاف کے ممبر صوبائی اسمبلی لیاقت علی خان بی اے کے امتحان میں نقل مارتے پکڑے گئے ،نجی ٹی وی کے مطابق

پاکستان تحریک انصاف کا ممبر صوبائی اسمبلی لیاقت علی خان امتحان میں نقل مارتے پکڑے گئے۔ لیاقت علی خان مالاکنڈ یونیورسٹی سے بی اے کا پرائیویٹ امتحان دے رہے تھے کہ دوران پیپر انہوں نے نقل کی جس پر نگران نے پکڑ کر یوایم سی بنا دیا ۔ یونیورسٹی کی ڈسپلنری کمیٹی نے ایم پی اے لیاقت علی خان کے خلاف قانونی کارروائی کرتے ہوئے 17دسمبر کو طلب کر لیا۔ نقل کرنے والے لیاقت علی خان لوئر دیر کے حلقہ17 سے پاکستان تحریک انصاف کی ٹکٹ پر ممبر صوبائی اسمبلی خیبرپختونخوا منتخب ہوئے تھے۔معاملے پر ایم پی اے نے ردعمل دیتے ہوئے کہا کہ اگر بطور طالب علم میرے ساتھ سلوک ہوا تو ٹھیک ہے، طالب علم سے غلطی ہوتی ہے۔