اسلام آباد (این این آئی)وزیراعظم عمران خان  نے وزارتوں کی کارکردگی پر ’نوکمپرومائز‘ کی پالیسی اپنالی ہے۔ذرائع کے مطابق وزیراعظم عمران خان کی جانب سے وفاقی وزارتوں، ڈویژنوں اور محکموں کی مانیٹرنگ سخت کرنے کا فیصلہ کیا گیا ہے۔وزیراعظم عمران خان کی

جانب سے اگلے ڈھائی سال حکومتی ترجیحی پالیسیوں پر عملدر آمد کرانے کا پلان تیار کر لیا گیا ہے۔ ذرائع کے مطابق  وزیراعظم  آفس کی جانب سے 42 وزارتوں، ڈویژنوں کی کارکردگی باقاعدگی سے مانیٹر کی جائے گی اور متعلقہ وزرا، سیکریٹریز کو حکومتی اہداف کے ٹائم فریم میں عملدر آمد کا پابند بنایا جائے گا۔ذرائع کے مطابق کابینہ اور محکمانہ اجلاسوں کے فیصلوں پرعملدرآمد کی رپورٹس تیار کی جائیں گی اور عوامی ریلیف اور فلاحی منصوبوں کی تکمیل کے فیصلوں پر بھی عملدرآمد کو ترجیح دی جائے گی۔ ذرائع کے مطابق وزیراعظم عمران کان کی جانب سے وزارتوں کی کارکردگی جانچنے کے لیے  کئی آپشنز پرغور شروع کر دیا گیا ہے

موضوعات:وزیراعظم عمران خان