اسلا م آباد(آن لائن) پاکستان مسلم لیگ(ن ) کی ترجمان مریم اورنگزیب نے کہا ہے کہ عمران صاحب کون سا این آر او ؟کس سے این آر او ؟آپ ایک نہیں 100 نیب بنائیں ، گھر تو جانا ہو گا ، آپ چھْپ چھْپ کے اپوزیشن سے این آر او مانگ رہے ہیں ،کچھ ملک نہیں آپ نہیں چاہتے
ملک کی معیشت مضبوط ہو ،اپوزیشن کی کسی جماعت کا فارن فنڈنگ کا کیس الیکشن کمیشن میں نہیں چل رہا ۔ وزیر اعظم عمران خان کی صحافیوں سے گفتگو پر ردعمل دیتے ہوئے ترجمان مسلم لیگ ن مریم اورنگزیب نے کہا عمران صاحب آپ نے مضبوط معیشت کا جنازہ نکالا۔ عوام آٹا چینی چوروں کے خلاف منصوبہ بندی کر چکی ہے۔عمران صاحب عوام ووٹ چوروں کے خلاف منصوبہ بندی کر چکی ہے۔ عوام بجلی گیس دوائی چوری کے خلاف منصوبہ بندی کر چکی ہے۔ انہوں نے کہا عمران صاحب پی ڈی ایم ملک میں انتشار پھیلا نہیں ختم کر رہی ہے۔ آج آئی ایم ایف میں تاخیر سے جانے کی غلطی تسلیم کر لی ۔ انشاء اللہ آپ جلد آٹا چینی چوری کا جرم بھی تسلیم کریں گے ۔ آپ انشاء اللہ جلد بجلی گیس اور دوائی چوری کی اپنی غلطی کو تسلیم کریں گے ، معیشت اور روزگار کو تباہ کرنے کا جْرم تسلیم کریں گے ۔ عمران صاحب عوام آپ کے خلاف منصوبہ بندی کر چکے ہیں
