لاہور( این این آئی) مسلم لیگ (ن) کی نائب صدر مریم نواز کے جلوس کے شرکاء پر منچلے نوجوانوں کی جانب سے جعلی نوٹ نچھاور کئے گئے ۔ تفصیلات کے مطابق جب مریم نواز کا قافلہ بادامی باغ پہنچا تو وہاں پر موجود کچھ منچلے نوجوانوںنے نئے نوٹوں کی گڈی ہوا میں اچھال دی ۔ جلوس میں شریک بچے اور نوجوان نوٹ اکٹھے کرنے کیلئے بھاگ کھڑے ہوئے لیکن انہیں بعد میں پتہ چلا
کہ نوٹ جعلی ہیں۔دوسری جانب مسلم لیگ (ن) کی نائب صدر مریم نواز کے سکیورٹی گارڈز نے استقبالیہ جلوس میں شریک کارکن پر تھپڑوں کی بارش کر دی ۔ بتایا گیا ہے کہ ایک کارکن نے مبینہ طو رپر مریم نواز کو ہاتھ لگانے کی کوشش کی جس پر ان کے ہمراہ موجود سکیورٹی گارڈز نے اس پر تھپڑوں کی بارش کردی ۔ سکیورٹی گارڈز کی کارکن پر تشدد کی ویڈیو بھی وائرل ہو رہی ہے۔
