لاہور (مانیٹرنگ ڈیسک )سینئر تجزیہ کار ہارون الرشید نے کہا ہے کہ اب جنگ سوشل میڈیا پر لڑی جارہی ہے ،اس میں سچ اور جھوٹ کی تمیز ہی نہیں ہوسکتی،صرف پراپیگنڈا ہوسکتا ہے ،سوشل میڈیا کو بند کرنا چاہئے ، اس کے ہوتے ہوئے تو امن ہی نہیں ہوسکتا۔پروگرام مقابل میں گفتگو کرتے
ہوئے انہوں نے کہا مریم نواز نے کنونشن میں سوشل میڈیا زندہ باد کے نعرے لگوائے ،عمران خان ان کو بچے کہتے تھے مگر خود بچگانہ حرکتیں کررہے ہیں،وہ کہتے ہیں کہ ان کو گرفتار کرلیا جائیگا،اس ساری کشمکش میں ملک کا نقصان ہورہا ہے ،8دسمبر کو کوئی آر پار ہونے والا نہیں۔
