اسلام آباد (این این آئی)سپریم کورٹ ٹیکنالوجی کے استعمال میں ایک قدم اور آگے،سینئر وکیل خالد انور نے اپنے گھر سے وڈیو لنک کے ذریعے دلائل دیئے ،سپریم کورٹ کے حکم پر کراچی رجسٹری نے وڈیو لنک کی سہولت فراہم کی،علالت کے باعث وکیل خالد انور عدالت میں پیش ہونے سے
قاصر تھے۔ جسٹس مشیر عالم نے کہاکہ کورونا کے باعث وڈیو لنک کی سہولت خالد انور کو فراہم کی گئی ہے، مقدمات کی تیز سماعت اور عوام کی سہولت کے لیے تجربہ کامیاب ہونے پر آگے بڑھائیں گے۔عدالت نے وکیل خالد انور کو شاہین ایئرپورٹ سروسز نظرثانی درخواست پر دلائل شروع کرنے کا حکم دیا ۔
