اسلام آباد(مانیٹرنگ ڈیسک)غلطی سے سرحد کے اس پارجانیوالی دونوں بہنیں پاکستان پہنچ گئیں۔نجی ٹی وی کے مطابق گزشتہ روز آزاد کشمیر کے علاقے عباس پور کی 2 بہنوں نے غلطی سے ایل اوسی پار کرلی تھی۔

جس پربھارتی فوج نے غلطی سے لائن آف کنٹرول عبور کرنے والے دونوں کشمیری بہنوں کو گرفتار کر لیا تھا۔، ثنا زبیر اور لائبہ زبیر کا تعلق آزاد کشمیر کے علاقے عباس پور سے ہے۔اس حوالے سے گزشتہ روز ترجمان دفتر خارجہ نے بتایا تھا کہ غلطی سے سرحد پار کرنے والی دونوں بہنیں جلد واپس آجائیں گی، ثنا زبیر اور لائبہ زبیر اس وقت مقبوضہ کشمیر پولیس کی حراست میں،اب اس معاملے میں اہم پیش رفت سامنے آئی ہے ،بتایا گیا ہے کہ غلطی سے سرحد پار کرنے والی بہنیں واپس آزاد کشمیر پہنچ گئی ہیں۔بھارتی سکیورٹی فورسز نے دونوں بہنوں کو پاکستانی حکام کے حوالے کر دیا ، دونوں بہنیں اس وقت اپنے گھر میں موجود ہیں ، ان کے گھر میں خوشی کا سماں ہے ۔