لاہور( این این آئی )پاکستان مسلم لیگ (ن) کی مرکزی سیکرٹری اطلاعات مریم اورنگزیب نے کہا ہے کہ عمران صاحب اگر لاہور جلسے کا آپ کو فرق نہ پڑتا تو آپ جلسے کے منتظمین اور کرسیاں دینے والوںکے خلاف کارروائی کی بات نہ کرتے،عمران صاحب ہماری مانیں

تو ووٹ چوری کے خلاف آپ بھی 12 دسمبر کو استعفیٰ دے کے مینارِ پاکستان آئیں ۔ اپنے بیان میں انہوں نے عمران خان کو لاہور جلسے کے منتظمین اور جلسے میں کرسی لگانے والوں میں شامل ہونے کا مشورہ دیتے ہوئے کہا کہ لاہور کاجلسہ بھی ہو گا اور آپ کرسی بھی جلدہی چھوڑیں گے ،عمران صاحب گل جلسے توں ود کے استعفے تے آ گئی جے ۔انہوں نے کہا کہ عمران صاحب آپ سیاسی مخالفین کو سزائے موت کی چکیوں میں رکھ کر ایف آئی آر سے ڈرا رہے ہیں ؟،آپ کی غلط فہمی ہے کہ آپ کو ملک کا آٹا ، چینی چوری ،معیشت اور روزگار تباہ کرنے ،غیر قانونی فارن فنڈنگ کیس ، سقوط کشمیر پر این آر او ملے گا ۔ انہوں نے کہا کہ عمران صاحب آپ کے سیاسی انتقام کی انتہا نے جیلوں کا خوف ختم کر دیا ہے ،ٹی وی لگائیں حالات مختلف ہو گئے ہیں،عمران صاحب ایف آئی آر تو اب آٹا ، چینی ، بجلی ، گیس ، دوائی ، روزگار اور ووٹ چوروں کے خلاف کٹ چکی ہے۔‎