کوئٹہ (مانیٹرنگ ڈیسک /این این آئی ) ڈپٹی سپیکر قومی اسمبلی قاسم سوری نے کہا کہ کوشش ہے بی این پی دوبارہ حکومت کی اتحادی بن جائے اس حوالے سے سردار اختر مینگل کے ساتھ مذاکرات جاری ہیں۔کوئٹہ میں میڈیا سے بات چیت کرتے ہوئے انہوں نے کہا کہ پی ٹی آئی کو بلوچستان حکومت پر مکمل اعتماد ہے ، نیب بلوچستان میں کرپٹ عناصر کے خلاف کارروائی کرے ، کوروناوائرس کا
پھیلاو خطرات صورتحال اختیار کر گیا ، بلوچستان کے تمام اضلاع میں ترقیاتی منصوبوں کا اعلان کیا جائے گا ۔سریاب میں نئی گیس پائپ لائن کی افتتاح کے موقع پر میڈیا سے بات چیت کرتے ہوئے انہوں نے کہا کہ عمران خان کی سربراہی میں بلوچستان کی پسماندگی دور کرنے کے لئے عوامی مفاد کے منصوبوں پر فوقیت دے رہی ہے ، جلدشمالی اضلاع کیلئے بھی ترقیاتی پیکج کا اعلان کیا جائے گا ۔
