فیصل آباد(این این آئی) آل پاکستان کلرکس ایسوسی ایشن(ایپکا)کے رہنماؤں صوبائی ڈپٹی جنرل سیکرٹری چوہدری عبدالعزیزبھٹی،ڈویژنل صدر راناسجادخاں،جنرل سیکرٹری مختارحسین بلوچ،سرپرست اعلیٰ احمدنوازبلوچ،صدرایوب ریسرچ چوہدری وارث علی

گجر،راناخالدمحمود،ملک نوراحمداوردیگرذمہ داران نے کہا ہے کہ وزیراعلیٰ پنجاب اوروزیراعظم پاکستان ایپکاکے زیراہتمام 14اکتوبرکو پارلیمنٹ ہاؤس اسلام آباد کے سامنے دھرنا کے نتیجہ میں تشکیل کردہ کمیٹی کے وعدہ کے مطابق ایپکا مطالبات۔امتیازی سلوک کاخاتمہ،تنخواہوں میں 150فیصداضافہ،وفاقی ملازمین کی اپ گریڈیشن،سکیل ریوائز کرنے سمیت دیگرمطالبات کی منظوری کا 31دسمبرتک اعلان کریں بصورت دیگرملک گیراحتجاج کرتے ہوئے دوبارپارلیمنٹ ہاوس اسلام آباد اوروزیراعلیٰ ہاوس پنجاب کا گھیراؤ کریں گے۔چوہدری عبدالعزیزبھٹی نے کہاکہ 14اکتوبر2020کو پارلیمنٹ ہاوس اسلام آبادکے سامنے دھرنااوروزیراعظم پاکستان کی تشکیل کردہ حکومتی کمیٹی زیرسربراہی پرویزخان خٹک وفاقی وزیردفاع سے کامیاب مذاکرات کے بعدتسلیم شدہ ایپکاچارٹر(1)ہرقسم کی تفریق ختم کرتے ہوئے ملک بھرکے تمام سرکاری ملازمین کو بالحاظ عہدہ(سکیل،تنخواہ ودیگرالاوئنسنر)یکساں کئے جائیں،

(2)وفاقی ملازمین کو صوبوں کی طرز پر اپ گریڈیشن(3)بیورکریسی کی طرز پر تنخواہوں میں 50فیصد اضافہ(4)سکیل ریوایوز کئے جائیں،(5)صوبوں کی طرز پر ریٹارمنٹ پر گروپ انشورنس دی جائے(6)یوٹیلٹی الاؤنس دیا جائے(7)ہاوس رینٹ موجودہ سکیلوں پر دیاجائے

(8)محکمہ زکوۃ و دیگر کنٹریکٹ ملازمین کو ریگولر کرنا(9)محکمہ صحت کی ختم کی گئی کلریکل پوسٹوں کی بحالی پر عملدرآمد نہ ہورہاہے جس کی وجہ سے ملک بھرکے سرکاری ملازمین سراپااحتجاج ہیں،رہنماؤں نے وزیراعظم پاکستان اوروزیراعلیٰ پنجاب ایپل کرتے ہیں کہ

حکومتی تشکیل کردہ کمیٹی کے وعدہ کے مطابق مندرجہ بالامطالبات کی منظوری کا 31دسمبرتک اعلان کیا جائے،بصورت دیگرماہ جنوری 2021میں ملک گیر احتجاج کی کال دیتے ہوئے پارلیمنٹ ہاوس اسلام آباداوروزیراعلیٰ ہاوس پنجاب لاہور کے باہراحتجاجی دھرناہوگا۔