لاہور (آن لائن) ڈیرہ گجراں سے علی ٹاؤن ٹھوکر نیاز بیگ تک چلنے والی اورنج لائن ٹرین کے آپریشن ہونے کے بعد لیسکو نے پنجاب حکومت کو بجلی کا پہلا بل جاری کردیا ہے۔ بتایا گیا ہے کہ گزشتہ ماہ نومبر کے بجلی کے بل کا حجم 7 کروڑ روپے ہے جبکہ ٹرین انتظامیہ نے نومبر میں 7 کروڑ روپے مالیت کے 38 لاکھ یونٹ استعمال کئے یہ بھی بتایا گیا ہے کہ مذکورہ

بل لیسکو کے سنگھ پورہ سرکٹ اور ملتان روڈ سرکٹ سے ریڈنگ کے بعد جاری کیا گیا ہے۔ سنگھ پورہ سرکٹ سے 17 لاکھ یونٹ اور ملتان روڈ سرکٹ سے 21 لاکھ یونٹ کا بل جاری کیا گیا ہے جبکہ رواں ماہ یکم دسمبر سے لیکر آج اورنج لائن ٹرین نومبر کے مقابلے میں کم بجلی استعمال کر رہی ہے جس کی وجہ موسم کی تبدیلی بتائی گئی ہے۔