اسلام آباد (این این آئی) معاون خصوصی زلفی بخاری نے کہا ہے کہ عمران خان کے ابھی تین سال باقی ہیں، اگلے 5 سال بھی پی ٹی آئی کے ہی ہونگے ، سرکاری و نیم ملازمین کی تنخواہوں کا مسئلہ بھی جلد ہوگا۔ جلد ایسا بل لائینگے جس سے سرکاری
کے ساتھ غیر سرکاری ملازمین کو بھی پنشن کی سہولت حاصل ہوگی، چاہتے ہیں مدینہ کی ریاست میں ہر انسان کو روزگار کا حق ملے اور ریٹائرمنٹ کے بعد پنشن بھی ملے۔ گزشتہ روز کرسمس کی افتتاحی تقریب سے خطاب کرتے ہوئے زلفی بخاری نے کہاکہ اقلیتی برادری کے سی ایس ایس امتحانات سمیت دیگر ایشوز جلد حل کرینگے۔ انہوں نے کہاکہ ہم نے ای او بی آئی کی پنشن 5 ہزار 8 سو سے ہم نے 8 ہزار سے زائد کی۔ انہوں نے کہاکہ پی ٹی آئی حکومت نے ابھی تک 8 سال رہتے ہیں،سی ڈی اے کے ساتھ ایک بڑے پلان پر کام کررہے ہیں، اگلے 14 روز میں اسلام آباد کی کچی آبادیوں کیلئے بڑا پراجیکٹ ڈرافٹ لائینگے۔
