اسلام آباد(آن لائن) مسلم لیگ ن کی رہنما مریم نواز کے ترجمان محمد زبیر نے کہا ہے کہ ملتان جلسہ کامیاب بنانے میں حکمرانوں نے مرکزی کردار ادا کیا۔ وزیراعظم جواب دیں کہ اسحاق ڈار اشتہاری اور مفرور ہے اسے چینل پر کیوں دکھایا جا رہا ہے۔ حکمران کے بیانات میں تضاد

کی طرح قوانین میں بھی کھلا تضاد ہے۔ نجی ٹی وی سے گفتگو میں انہوں نے کہا کہ ایک اشتہاری مفرور کا چینل پر انٹرویو نشر کرکے حکمران بے نقاب ہو گئے ہیں۔ مریم نواز کے ترجمان محمد زبیر نے کہا کہ ملتان کے جلسہ کو کامیاب بنانے میں حکمرانوں نے کردار ادا کیا۔ اگر پاکستانی صحافی BBL کی طرح انٹرویو کریں تو انہیں وزارت داخلہ اٹھوا لیتی۔ ملتان جلسہ پوری دنیا میں ڈسکس ہو رہا ہے۔ پیمرا قوانین کے تحت اسحاق ڈار کا انٹرویو نہیں دکھانا چاہیے تھا۔ پاکستان میں قوانین مختلف ہیں۔ عمران خان بددیانت لیڈر ہے۔ 400بلین روپے کا گندم کا ڈاکہ ڈالا ہے۔ بجلی کی مد میں 150بلین روپے کا ڈاکہ ڈالا گیا ہے۔ وہ چور ہے۔ فارن فنڈنگ کیس کے پیچھے حکمران چھپ رہے ہیں۔ سب سے بدترین اور کرپٹ لیڈر عمران خان اور اس کی کابینہ کے اراکین ہیں۔ اسحاق ڈار کی جائیداد مد میں یہ انکم ٹیکس اور اسحاق ڈار کا معاملہ ہے۔ 55روپے کی چینی 115روپے میں مل رہی ہے۔ موجودہ حکمران اس صدی کے بدترین کے کرپٹ لیڈر ہیں۔ ان کا جلسہ پی ڈی ایم کرے گی۔ دھرنے اور احتجاج جاری رہیں گے۔ حکمرانوں کو گھر بھیج دیں گے۔ حکمرانوں نے ایل این جی کیوں امپورٹ نہیں کی۔ہمیں الزام نہ دیں۔ عمران خان فارن فنڈنگ کیس سے کیوں چھپ رہے ہیں۔ گلگت بلتستان کا صوبہ بنانے میں اگر اپوزیشن نے انکار کیا تو بے نقاب ہو جائیں گے۔