اسلام آباد (این این آئی)وفاقی کابینہ نے بچوں اور خواتین سے آبرو ریزی کرنے والے مجرموں کو کیمیائی طریقے سے نامرد کرنے کا قانون فوری طور پر نافذ کرنے کی منظوری دے دی۔ نجی ٹی وی کے مطابق ذرائع نے بتایا کہ وزیراعظم عمران خان کی زیر صدارت وفاقی کابینہ کے اجلاس میں بچوں اور خواتین سے آبرو ریزی کے کیسز میں کیسٹریشن (کیمیائی طور پر نامرد کرنے) کی سزا پر دوبارہ بحث ہوئی۔ذرائع کے مطابق
وفاقی کابینہ نے اتفاق کیا کہ کسیٹریشن کی سزا کیلئے عالمی اداروں سے رائے لینے یا ان کی آمادگی کی ضرورت نہیں۔کابینہ ارکان نے مؤقف اپنایا کہ بچوں اور خواتین سے آبرو ریزی کے ملزمان رعایت کے مستحق نہیں۔خیال رہے کہ وزیراعظم عمران خان خود بھی آبرو ریزی کے مجرموں کو نامرد کرنے کی تجویز دے چکے ہیں اور موٹر وے زیادتی کیس کے بعد یہ معاملہ مزید اہمیت اختیار کرگیا ہے۔
