ملتان (این این آئی)مسلم لیگ (ن )پنجاب کے صدر رانا ثناء اللّٰہ نے کہاہے کہ ملتان جلسے سے پہلے پولیس گردی سے پتا چل رہا ہے کہ سلیکٹڈ گھبرا گیا ہے۔رہنما نون لیگ رانا ثناء اللّٰہ نے اپنے بیان میں پاکستان ڈیموکریٹک موومنٹ (پی ڈیم ایم) کے پارٹی عہدے داروں، کارکنوں کی گرفتاریوں اور پولیس چھاپوں کی
مذمت کی ۔اپنے بیان میں رانا ثناء اللّٰہ نے کہا کہ سلیکٹڈ گھبرا گیا ہے، جس نے اپوزیشن کو کنٹینر دینے کا اعلان کیا تھا وہ اپنے بچائو کیلئے کنٹینر ڈھونڈتا پھر رہا ہے۔انہوں نے کہا کہ کنٹینر لگانے سے حکومت پی ڈی ایم کا جلسہ نہیں روک سکتی، پولیس کو غیر سیاسی بنانے کے دعوے دار کا منہ آج کالا ہوگیا۔
