اسلام آباد (آ ن لائن) ڈپٹی چیئرمین سینٹ سلیم مانڈوی والا نے نیب پر یہ الزام عائد کیا ہے کہ نیب بلیک میلنگ آرگنائزیشن ہے، ملک میں لوگ عزت بچانے کیلئے پلی بارگین کرتے ہیں، جوذرا سی بات کرتاہے اسے نیب کانوٹس آجاتاہے،سینیٹ آف پاکستان دھمکیوں کی زد میں ہے۔ اتوار کو اسلام آباد میں پریس کانفرنس کرتے ہوئے ڈپٹی چیئرمین سینٹ نے کہا کہ وزیراعظم عمران خان نے
یقین دہانی کرائی تھی کہ کسی کیساتھ زیادتی نہیں ہوگی، ہم سینیٹ کمیٹی میں ان الزامات کی تحقیقات کریں گے، انسانی حقوق کمیٹی میں بھی نیب کامعاملہ اٹھایاجائیگا۔ وزیراعظم،آرمی چیف کوخط بھی لکھ چکا ہوں، حکومت نے نیب قوانین میں ترامیم کیں، حکومت نے یقین دلایا تھا کہ تاجروں کوسہولتیں دیں گے۔ سلیم مانڈوی والا نے کہا کہ چیئرمین نیب نے یقین دلایا تھا کہ تاجروں کیساتھ زیادتی نہیں ہونے دوں گا۔ڈپٹی چیئرمین سینٹ نے الزام لگایا کہ نیب بلیک میلنگ آرگنائزیشن ہے، سینیٹ آف پاکستان نیب کی دھمکیوں کی زد میں ہے۔ بین الاقوامی سطح پر نیب کی ہیومن رائٹس کی خلاف ورزیوں پر آوازاٹھاؤں گا۔ سلیم مانڈوی والا نے کہا کہ انجینئر منگی صاحب نیب انجینئرنگ کیلئے بیٹھے ہوئے ہیں، کوئی بھی نیب کیخلاف بولتا ہے تونوٹس آجاتاہے،نیب کی وجہ سے لوگ ملک میں سرمایہ کاری کوتیارنہیں۔ان کا مزید کہنا تھا کہ نیب نے الزام لگایا منگلا کورکی زمین کیساتھ ٹرانزکشن کی، فیملی کی مدد کیلئے منگلاکورکی زمین پرٹرانزکشن کی تھی۔ مدثرآئی او ہے جس کا فون آجاتا ہے کہ یہ نہ بولیں، یہ بھی کہتا ہے بینامی ٹرانزکشن کی تحقیقات کر رہے ہیں۔ انجینئرمنگی کہتے ہیں ہمیں پنڈی سے احکامات آتے ہیں،سلیم مانڈوی والا نے سوال اٹھایا کہ کس کو اٹھانا ہے اورچھوڑنا ہے، نیب کویہ احکامات کون دیتا ہے۔ جوذرا سی بات کرتاہے اسے نیب کانوٹس آجاتاہے،سینیٹ آف پاکستان دھمکیوں کی زد میں ہے۔
