اسلام آباد (این این آئی) وزیراعظم کے مشیر برائے احتساب وداخلہ بیرسٹر شہزاد اکبر نے لیگی رہنماء مریم اورنگزیب پر تنقید کرتے ہوئے کہا ہے کہ یہ جھوٹ اور ڈھٹائی کی حد ہے،پیرول پر رہائی قیدیوں کی خواہش کے مطابق میت کے آنے

سے کچھ گھنٹے پہلے کی گئی،قوم خوب آگاہ ہے دوسرا بیٹا پوتے اور نواسے سیاست،سیاہ کاریوں کے باعث جنازے میں شرکت نہیں کر رہے۔لیگی رہنماء مریم اورنگزیب کو جواب دیتے ہوئے وزیر اعظم کے مشیر برائے احتساب و داخلہ بیرسٹر شہزاد اکبر نے کہا کہ مریم اورنگزیب یہ جھوٹ اور ڈھٹائی کی حد ہے،پیرول پر رہائی قیدیوں کی خواہش کے مطابق میت کے آنے سے کچھ گھنٹے پہلے کی گئی ہے۔ انہوں نے کہا کہ پیرول پر پانچ دن رہائی غیر معمولی ریلیف ہے۔ انہوں نے کہا کہ قوم خوب آگاہ ہے کہ دوسرا بیٹا پوتے اور نواسے سیاست اور سیاہ کاریوں کے باعث جنازے میں شرکت نہیں کر رہے۔