راولپنڈی(این این آئی)میٹروبس سروس ٹکٹنگ عملے نے آئی جے پی سٹیشن کے باہر احتجاج کرتے ہوئے کہا ہے کہ تین ماہ سے تنخواہ نہیں دی جارہی ہیں اور نہ ہی کچھ بتایا جارہا ہے،ان باکس ادارہ میٹروبس سروس کیلئے ہم سے جبری مشقت لے
رہا ہے،پنجاب حکومت میٹروبس سروس کیلئے براہ راست ملازمین کو بھرتی کرے۔تفصیلات کے مطابق راولپنڈی ، اسلام آباد میٹروبس سروس ٹکٹنگ عملے نے آئی جے پی سٹیشن کے باہر احتجاج کرتے ہوئے کہا ہے کہ تین ماہ سے تنخواہ نہیں دی جارہی ہیں اور نہ ہی کچھ بتایا جارہا ہے،ان باکس ادارہ میٹروبس سروس کیلئے ہم سے جبری مشقت لے رہا ہے۔مظاہرین نے کہا کہ پنجاب حکومت میٹروبس سروس کیلئے براہ راست ملازمین کو بھرتی کرے۔ انہوں نے کہا کہ اگر ہمیں تنخواہیں نہ دی گئیں تو سیکنڈ شفٹ میں ٹکٹنگ سروس معطل کرنے پر مجبور ہونگے۔ مظاہرین نے مطالبہ کیا کہ حکومت ان باکس سے تنخواہوں کی بروقت ادائیگی کو یقینی بنوائے۔
