نئی رویت قائم کی گئی ہے والدہ کی میت گھر میں ہو بیٹے اور پوتے کو جیل میں رکھا جائے،عمران خان لاہور میں کیا دیکھنے آئے تھے؟ن لیگ وزیراعظم کے خلاف ڈٹ گئی

26  ‬‮نومبر‬‮  2020

لاہور(این این آئی) ملک میں نئی رویت قائم کی گئی ہے کہ والدہ کی میت گھر میں ہو بیٹے اور پوتے کو جیل میں رکھا جائے اور عدالتوں میں پیشی پر لایاجائے،حکومتی لوگوں کے لئے قانون اور ہے جبکہ اپوزیشن کے لئے قانون اور ہے،شہبازشریف اورحمزہ شہباز جمعہ کو پیرول پر رہا ہوں گے،یہ حکومت کا کوئی احسان نہیں بلکہ ان کا قانونی حق ہے،عمران خان نہ آپ کے خلاف عوامی

ریفرنڈم بند ہوگا نہ تحریک میں کمی آئے گی،آپ کے ہوتے ہوئے معیشت منفی چار سے نہیں بڑھے گی، عوام کو آٹا چینی نہیں ملے گا جب حکمران ظالم ہو تو عوام کو کوئی ریلیف نہیں ملتا،ملک میں اب اسرائیل کو تسلیم کرنے کی باتیں ہو رہی ہیں کیونکہ ابھی تک فارن فنڈنگ کیس کا فیصلہ نہیں آیا۔ ان خیالات کا اظہار مسلم لیگ (ن) کی مرکزی ترجمان مریم اورنگزیب اور ڈپٹی سیکرٹری جنرل عطا اللہ تارڑ نے احتساب عدالت کے باہر میڈیا سے گفتگو کرتے ہوئے کیا۔ مریم اورنگزیب نے کہا کہ محترمہ شمیم اختر کے انتقال کو چار روز گزرنے کے باوجود ظالم حکمرانوں نے شہباز شریف اور حمزہ شہباز کو پیرول پررہا نہیں کیا،کرائے کے ترجمانوں کو اور کوئی کام نہیں، کبھی صحت اور کبھی کسی کی والد ہ کے انتقال پر بھی سیا ست کر رہے ہیں،کبھی کہتے پانچ گھنٹے کے لئے اور کبھی کہتے ہیں پانچ دن کے لئے رہا کیا جائے گا،وزیراعظم صرف اس لئے لاہور آئے تھے کہ کہیں شہباز شریف اور حمزہ کو رہا تو نہیں کر دیا گیا، اس لئے لاہور آتے ہیں کہ کہیں جیل میں کوئی سہولتیں تو نہیں دی جارہیں،شہباز شریف کے کمرے میں کوئی ہیٹر تو نہیں لگا دیا،شہباز شریف کو نماز کے لئے کرسی تو نہیں دے دی،کہیں شہباز کو فزیو تھراپسٹ کی سہولت تو نہیں دیدی گئی۔ انہوں نے کہا کہ پچاس لاکھ گھروں اور نوکریوں کے وعدے پورے نہیں ہوئے، شہباز شریف پر ایک پائی کی کرپشن ثابت نہیں ہوئی، حمزہ شہباز اٹھارہ مہینے

سے جیل میں ہیں ان پر ایک روپے کی کرپشن ثابت نہ ہوئی،حمزہ شہباز نے عدالت میں جج صاحب کو بتاکہ بکتر بند کار کی بریکیں فیل ہیں اور واپسی پر حمزہ کی بکتر بند کار کی ٹکر ہوئی۔شہباز شریف کی میڈیکل رپورٹس ابھی تک نہیں د ی گئیں، یہ ان کا قانونی حق ہے۔ا نہوں نے کہاکہ عمران خان نہ آپ کے خلاف عوامی ریفرنڈم بند ہوگا نہ تحریک میں کمی آئے گی،آپ کے ہوتے ہوئے

معیشت منفی چار سے نہیں بڑھے گی، عوام کو آٹا چینی نہیں ملے گا جب حکمران ظالم ہو تو عوام کو کوئی ریلیف نہیں ملتا۔عطا اللہ تارڑ نے کہاکہ پاکستان میں پہلی مرتبہ یہ روایت پڑی ہے کہ کسی کے گھر میں میت ہو تو بیٹے اور پوتے کو عدالت میں پیش کیا جائے،فیصل واڈا دوہری شہریت کا حامل ہے اس کے کیس کو جان بوجھ کر التوا ء میں رکھا جا رہا ہے،حکومتی بنچوں پر بیٹھے

افراد کے لیے الگ قانون اور اپوزیشن کے لیے الگ قانون ہے،عمران نیازی آپ کا اے ٹی ایم واپس آ گیا ہے اور دن دیہاڑے واپس آیااس کے باوجود چینی 90 روہے کی مل رہی ہے،عمران نیازی جب آپ کو جیل بھیجیں گے تو آٹے،چینی، ادویات کے سکینڈل میں آپ کو این آر او نہیں دیں گے،عمران نیازی آپ کو اپنا کیا بھگتنا پڑے گا۔ انہوں نے کہا کہ حکومت جو کر رہی ہے یہ ہتھکنڈے

ہمارے لئے نئے ہیں ہم گھبرانے والے نہیں آپ کا ڈٹ کر مقابلہ کریں گے، ہم پر جھوٹے کیس بنا ئے جارہے ہیں لیکن یہ وقت کے ساتھ ختم ہوجائیں گے لیکن کیس بنانے والوں کو حساب دینا ہوگا۔ انہوں نے کہاکہ حمزہ شہباز گزشتہ اٹھارہ ماہ سے جیل

میں ہیں جب ان کے کیس میں کچھ نہیں نکلا تو جان کے دشمن بن گئے گزشتہ پیشی پر جس گاڑی میں لایا اس کی بریک نہیں تھی۔اس ملک میں اب اسرائیل کو تسلیم کرنے کی باتیں ہو رہی ہیں کیونکہ ابھی فارن فنڈنگ کیس کا فیصلہ نہیں آیا۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…