اسلام آباد(این این آئی)مشیر برائے پارلیمانی امور بابر اعوان نے دعویٰ ہے کہ شریف فیملی کے نئے اثاثے دریافت ہوئے ہیں، ایک کمپنی میں سے25ارب کے انکشافات ہوئے ہیں اور ہفتے10دن میں تفصیلات سامنے آجائیں گی۔ایک انٹرویومیں بابراعوان نے کہا کہ ہم نے جب دھرنادیاتوحکومت نے

صوبوں میں لڑائی کی کوشش کی، پرویز خٹک، اسد قیصر کے قافلے پر حملے کیے گئے۔ انہوںنے کہاکہ نوازشریف واپس آرہے ہیں نہ ہی شہباز شریف جیل سے باہرآئیں گے۔بابر اعوان نے کہاکہ (ن )لیگ کاایک ایجنڈاہے کسی طرح مریم نوازکووالدکے پاس بھیجا جائے۔ انہوںنے کہاکہ  اپوزیشن کوجلسے سے نہیں روکا تاہم قانون نہیں توڑنے دیں گے، سوال ہی پیدانہیں ہوتاحکومت ایک جلسے سے جائیگی جس دن یہ چورواپس آنے کی کوشش کرینگے ایک نیاچیلنج پیدا ہو جائے گا۔مشیر پارلیمانی امور نے کہا کہ معلوم ہے یہ کن کے پاس جاتے ہیں اورکن سے ملاقاتیں کرتے ہیں لندن میں ملاقاتوں کی تفصیل حاصل کر لی ہے،فوٹیج ہمارے پاس ہے، نئے انکشافات سے متعلق مزیدنہ پوچھیں،2یا3دن میں پتہ چل جائے گا۔انہوںنے کہاکہ مولانافضل الرحمان کے لوگ آئیں گے اس کے علاوہ لوگ نہیں نکلیں گے یہ جتنے چاہئیں جلسے کرلیں اس سے نظام نہیں جائیگا۔ انہوںنے کہاکہ  پاکستان کا نظام اتنا کمزور نہیں کہ جلسوں سے چلا جائے۔ انہوںنے کہاکہ نوازشریف کہتاہے میرے بچے پاکستان نہیں جائیں گے لوگ نکلیں، نوازشریف خودپاکستان نہیں آئیں گے لوگوں کوکہتے ہیں باہرنکلیں کیوں؟ ۔ انہوںنے کہاکہ موجودہ حکومت اپنی مدت پوری کریگی۔