کراچی(این این آئی)آئوٹ آف ٹرن غیرقانونی ترقیوں کے خلاف پٹیشن داخل کرنے والی گریڈ 17 کی خواتین افسران کے فون نمبرز غیر اخلاقی ویب سائٹس پر ڈال دیئے گئے۔تفصیلات کے مطابق کراچی میں انوکھا واقعہ سامنے آیاہے ، جہاں آئوٹ آف ٹرن غیر قانونی ترقیوں کو
چیلنج کرنے والی 25 اعلی خواتین افسران کے فون نمبر غیراخلاقی ویب سائٹس پر ڈال دیئے گئے۔متاثرہ خواتین افسران نے چیف سیکرٹری، سیکرٹری سوشل ویلفئیر اور دیگر کو خطوط لکھے، متاثرہ خواتین افسران کی تحریری خط میں شکایت کی گئی ہے کہ مختلف ممالک سے ہمیں غیراخلاقی ویڈیوزموصول ہورہی ہیں ، واٹس ایپ گروپ پر بھی ہمیں اسی طرح تنگ کیا گیا۔متاثرہ خواتین نے بتایاکہ ویڈیوز اورپیغامات کی وجہ سے ذاتی زندگی شدید متاثرہے اور خوف کے عالم میں کام نہیں ہوپا رہا، اس کا نوٹس لیا جائے۔محکمہ سوشل ویلفیئر سندھ کے سیکرٹری نواز شیخ کی واقعے کی تصدیق کرتے ہوئے کہا کہ گریڈ 17 کی جن 25خواتین نے محکمہ سوشل ویلفیئرمیں غیر قانونی ترقیوں کوچیلنج کیا تھا، اس نمبر ز ویب سائٹ پر ڈالے گئے ہیں۔سیکرٹری نواز شیخ نے بتایاکہ معاملے پر کمیٹی کا اجلاس طلب کرلیا گیاہے، واقعہ سنگین جرم ہے، ملوث افراد کے خلاف کارروائی کریں گے ، متعلقہ حکام ایف آئی اے سائبرکرائم اور آئی جی سندھ سے مدد حاصل کریں گے۔
