اسلام آباد (آن لائن گلگت بلتستان الیکشن کیلئے تحریک انصاف نے کل 24 نشستوں کیلئے امیدواروں کی نامزدگی کا اعلان کر دیا۔تفصیلات کے مطابق تحریک انصاف پارلیمانی بورڈ کے صدر ارشد داد نے امیدواروں کی مکمل حتمی فہرست جاری کرتے ہو کہا ہے کہ جی بی ایل سے 1 گلگت 1 سے جوہر علی جبکہ جی بی ایل اے 2 گلگت 2 سے فتح اللہ خان تحریک انصاف کے
انتخابی نشان پر انتخاب لڑیں گے۔ جی بی ایل اے 3 گلگت 3 سے سید جفعر شاہ تحریک انصاف کے امیدوار ہوں گے۔جی بی ایل اے 4 نگر 1 سے ذوالفقار علی جبکہ جی بی ایل اے 6 ہنزہ 1 سے کرنل عبیداللہ بیگ کو تحریک انصاف کے ٹکٹ کیلئے نامزد کیا گیا ہے۔ جی بی ایل اے 7 سکردو 1 سے راجہ محمد زکریا خان مقپون اور جی بی ایل اے 9 سکردو 3 سے فدا نشاد انتخاب لڑیں گے۔ جی بی ایل اے 10 سکردو 4 سے وزیرحسین جبکہ جی بی ایل اے 11 خرمنگ سے سید امجد علی انتخابی میدان میں اتریں گے۔ راجہ محمد اعظم خان اور محمد خالد خورشید خان بالترتیب جی بی ایل اے 12 شِگر اور جی بی ایل اے 13 استور 1 سے تحریک انصاف کے امیدوارہوں گے۔ جی بی ایل اے 14 استور 2 سے شمس الحق لون انتخاب لڑیں گے ۔ ارشد داد نے کہا جی بی ایل اے 15 دیامر 1 سے نوشاد عالم جبکہ جی بی ایل اے 16 دیامر 2 سے عتیق اللہ کو تحریک انصاف کا ٹکٹ دینے کا فیصلہ کیا ہے۔ارشد داد نے کہا جی بی ایل اے 17 دیامر 3 اور جی بی ایل اے 18 دیامر 4 سے بالترتیب حیدر خان اور حاجی گلبر خان کو نامزد کیا گیا ہے ۔جی بی ایل اے 19 گیزر 1 سے ظفر محمود جبکہ جی بی ایل اے 20 گیزر 2 سے نذیر احمد تحریک انصاف کے امیدوار ہوں گے۔جی بی ایل اے 21 گیزر 3 سے راجہ جہانزیب انتخابی میدان میں اتریں گے۔جی بی ایل اے 22 گھانچے 1 سے محمد ابراہیم ثنائی جبکہ جی بی ایل اے 23 گھانچے 2 سے آمنہ انصاری تحریک انصاف کے نمائندہ ہوں گے۔
جی بی ایل اے 24 گھانچے 3 سے سید شمس الدین تحریک انصاف کے ٹکٹ پر انتخاب میں حصہ لیں گے۔ ان کا مزید کہنا تھا کہ گلگت بلتستان میں تحریک انصاف اور مجلس وحدت المسلمین کے مابین اتحاد کا باضابطہ اعلان کیا جاچکا ہے۔ ارشد داد نے کہا تحریک انصاف اور مجلس وحدت المسلمین کے مابین اتحاد کے نتیجے میں جی بی ایل اے 5 نگر 2 سے رضوان علی جبکہ
جی بی ایل اے 8 سکردو 2 سے محمد کاظم انتخاب لڑیں گے۔ ہماری نیک تمنائیں اور خواہشات گلگت بلتستان کے انتخاب میں حصہ لینے والے امیدواروں کے ساتھ ہیں اوزیراعظم عمران خان کا پیغام پورے گلگت بلتستان میں نہایت مقبول اور عوام کے دلوں میں گھر کرچکا ہے۔ تحریک انصاف اور اسکے اتحادی انشائ اللہ بھاری اکثریت سے کامیاب ہوکر گلگت بلتستان کی تعمیر و فلاح کے نئے باب کا آغاز کریں گے۔
