مریدکے (این این آئی) کالاشاہ کاکو کے علاقہ میں پانچ افراد نے پیر محل ٹوبہ ٹیک سنگھ کی رہائشی مسافر خاتون کو شوہر کے سامنےآبروریزی کا نشانہ بنا ڈالا،پولیس نے مقدمہ درج کرکے مشکوک افراد کو حراست میں لے کر تحقیقات شروع کر دیں، واقعہ کی اطلاع ملتے ہی

پولیس افسران کی دوڑیں لگ گئیں۔ بتایا گیا ہے کہ پیر محل ضلع ٹوبہ ٹیک سنگھ کا رہائشی وارث اپنی اہلیہ رانی بی بی کے ہمراہ کالاشاہ کاکو میں اپنے رشتہ داروں کو ملنے آرہا تھا کہ وارث اپنی اہلیہ کے ہمراہ لاہور مینار پاکستان بس اسٹاپ پر اترا اور اس نے اپنے رشتہ داروں سے فون پر رابطہ کرنا چاہا تو رابطہ نہ ہوسکا۔ اسی دوران ایک مالشیہ میاں بیوی کو مل گیا اور اس نے بتایا جس جگہ آپ نے جانا ہے وہ ان کو جانتا ہے مالشیہ بذریعہ رکشہ کالاشاہ کاکو میں چند ہفتے قبل قائم کئے گئے ایس پی آفس کے قریب ویران جگہ پر پہنچا تو اس کے دو موٹر سائیکل سوار ساتھی بھی پہنچ گئے اور گن پوائنٹ پر میاں بیوی کو کھیتوں میں لے گئے جہاں پہلے سے ان کے دو ساتھی بھی انتظار کررہے تھے پانچوں ملزماں نے مسافر وارث کے ہاتھ باندھ دیئے اور اس کی بیوی (ر) بی بی کو اجتماعی عصمت دری کا نشانہ بناکر فرار ہوگئے۔پولیس نے وارث کی رپورٹ پر مقدمہ درج کرکے چند مشکوک افراد کو حراست میں لینے کا دعوی کیا ہے۔ ذرائع کے مطابق پولیس نے متاثرہ خاتون کا میڈیکل بھی کرا لیا ہے۔