اسلام آباد (این این آئی)قومی اسمبلی سیکرٹریٹ کی جانب سے 26 ویں اجلاس کے دوران سیکیورٹی سمیت دیگر ضروری  انتظامات مکمل کرلئے گئے  ،قومی اسمبلی کے (آج)پیر سے شروع ہونے والے اجلاس کے لیے سکیورٹی انتظامات کو حتمی شکل دے دی گئی۔

جوائنٹ سیکرٹری انتظامیہ قومی اسمبلی  کی طرف سے ممبران قومی اسمبلی اور تمام متعلقہ محکموں کو مراسلہ ارسال کر دیا گیا ،پارلیمنٹ ہاؤس میں ہر قسم کے مہمانوں کے داخلے پر پابندی عائد ہو گی۔  قومی اسمبلی کے اجلاس کے دوران ممبران قومی اسمبلی کے مہمانوں کو کوئی گیلری پاس جاری نہیں کیا جائے گا۔ممبران قومی اسمبلی کی سہولت کے لیے 19 COVID کے ٹیسٹ کے لیے قائم کاؤنٹر دوبارہ کھول دیا گیا ہے،یہ کاؤنٹر پارلیمنٹ ہاؤس کے پبلک انٹری گیٹ کے قریب بیرونی استقبالیہ میں قائم کیا گیا ہے۔اجلاس کے دوران تمام سرکاری اور پرائیویٹ سیکیورٹی گارڈز اور اسکارٹ کی گاڑیاں کے لیے پارلیمنٹ ہاؤس کی حدود میں داخلہ پر پابندی ہو گی۔ اراکین قومی اسمبلی کے لیے پارلیمنٹ لاجز سے پارلیمنٹ ہاوس تک شٹل سروس چلائی جائے گی،

موضوعات:قومی اسمبلی کااجلاس