اسلام آباد (مانیٹرنگ ڈیسک) پی آئی اے کی ملکیت ہوٹل روز ویلٹ مالی بحران کا شکار ہے یا پھر یہ ہوٹل سونے کا انڈہ دینے والی مرغی ہے، موقر قومی اخبار روزنامہ جنگ کی رپورٹ میں روزویلٹ ہوٹل نے گزشتہ سال کتنا منافع کمایا اس حوالے سے بتایا گیا، دستاویزات کے حوالے سے بتایا گیا کہ ہوٹل روز ویلٹ نے 4ار ب 68کروڑ روپے سے زائد کا منافع کمایا،94,924,946 ڈالرز کی کل آمدنی ہوئی اور 66,159,840 ڈالرز کے کل اخراجات کے بعد یہ نقد منافع حاصل ہوااور اس پر 9,317,162 یعنی 9 ملین ڈالرز سے

زیادہ ٹیکس بھی ادا کئے گئے۔موجودہ حکومت نے فی الوقت اس ہوٹل کی نجکاری کرنے کا ارادہ ملتوی کر دیا ہے۔ اس حوالے سے ایک نجی ٹی وی چینل گفتگو کرتے ہوئے معروف صحافی حامد میر نے کہا کہ 1988ء میں بے نظیر بھٹو سے ٹرمپ نے ملاقات کی تھی اور ہوٹل روزویلٹ خریدنے کی خواہش کا اظہار کیا تھا لیکن بے نظیر بھٹو نے انکار کر دیا تھا۔ انہوں نے کہا کہ تحریک انصاف کی حکومت سے بھی امریکی صدر نے اپنے ایک عزیز کے ذریعے رابطہ کیا ہے وہ اب بھی یہ ہوٹل خریدنے کا ارادہ رکھتے ہیں۔

موضوعات:پی آئی اے کے روز ویلٹ ہوٹل کو خسارہ یا منافع