کرنل کی بیوی کے بعد سیکرٹری کی بیٹی ، لاہور میں ٹریفک وارڈن سے بدتمیزی کرنیوالی لڑکی سابق سیکرٹری کی بیٹی نکلیں

  جمعرات‬‮ 9 جولائی‬‮ 2020  |  13:16

اسلام آباد(مانیٹرنگ ڈیسک)صوبائی دارالحکومت لاہور میں ٹریفک وارڈن سے بدتمیزی کرنے والی لڑکی سابق سیکرٹری کی بیٹی نکلیں۔ نجی ٹی وی کے مطابق لڑکی کی شناخت ہوگئی ہے، 29 سالہ رئیسہ مسعود نیو گارڈن ٹائون کی رہائشی ہے جبکہ واقعے میں استعمال ہونے والی گاڑی کو تحویل میں لے لیا گیا ہے، خاتون کی گرفتاری کیلئے چھاپے مارے جارہے ہیں۔یاد رہے کہ گزشتہ روزٹریفک وارڈن نے ایک لڑکی کو غلط پارکنگ کرنے پر روکا جس پر وہ آگ بگولہ ہو گئی۔ایک شہری نے اس سارے واقعے کی ویڈیو بنا کر سوشل میڈیا پر شیئر کر دی۔ اس کی جانب سے


بتایا گیا کہ لڑکی نے پہلے غلط پارکنگ کی جب ٹریفک وارڈن نے منع کیا تو اس کو دو تھپڑ بھی رسید کر دیئے۔ ویڈیو میں دیکھا گیا کہ لڑکی بجائے اپنی غلطی تسلیم کرنے کے دھمکیاں اور دست درازی پر اتر آئی۔


موضوعات: