کراچی (این این آئی)اینکر مرید عباس کی بیوہ زارا عباس نے انصاف کے حصول کے لیے سپریم کورٹ کا دروازہ کھٹکھٹا دیا،عدالت نے عادل زمان کی ضمانت پر رہائی کے خلاف اپیل کی سماعت دو ہفتوں بعد مقرر کردی۔اینکر مرید عباس کی بیوہ زارا عباس نے انصاف کے حصول کے لیے سپریم کورٹ کا دروازہ کھٹکھٹا دیا،درخواستگزار کی جانب سے موقف اختیار کیا گیا کے ملزم عادل زمان کو سندھ ہائیکورٹ نے ضمانت پر رہا کرنے کا
حکم دیتے وقت اہم قانونی نکات کو نظر انداز کیا ملزم عادل زمان مرید عباس کے قاتل عاطف زمان کا کرائم پارٹنر تھا عادل زمان کے خلاف گواہوں نے بیانات دیے سندھ ہائیکورٹ کا فیصلہ کالعدم قرار دے کر ملزم عادل زمان کو جیل بھیجا جائے جس پر عدالت نے مرید عباس قتل کے اہم ملزم عادل زمان کی ضمانت پر رہائی کے خلاف اپیل کی سماعت دو ہفتوں بعد مقرر کردی،عدالت نے آئندہ سماعت پرفریقین سے دلائل طلب کرلیے۔
