اسلام آباد (این این آئی)پاکستان پیپلز پارٹی کے رہنما اور سندھ کے وزیرِ تعلیم و محنت سعید غنی نے کہا ہے کہ قومی اسمبلی میں وفاقی وزیر نے غلط دستاویزات کو جے آئی ٹی کہا ہے۔ایک انٹرویومیں انہوں نے کہا کہ وفاقی وزیر کے اس عمل کے بعد ہمارے پاس جے آئی ٹی کو پبلک کرنے کے سوا کوئی چارہ نہیں تھا۔
سعید غنی کا کہنا ہے کہ جے آئی ٹی رپورٹ پر سفارشات پر عمل ہوا ہے، جے آئی ٹی رپورٹ میں عزیر بلوچ پر جاسوسی کا الزام بھی لگایا گیا ہے۔وزیرِ تعلیم و محنت سندھ اور رہنما پی پی پی نے کہا کہ جے آئی ٹی میں حکومتی اتحادی ذوالفقار مرزا بھی ہیں، یقیناً ان سے بھی پوچھا جانا چاہیے۔
