اسلام آباد (مانیٹرنگ ڈیسک )لوگوں کو کرونا کھا رہی ہے اور ہم کرونا کو کھا رہے ہیں ، حکومت جعلی ٹیسٹ کر رہی ہے جبکہ فی موت پر 25لاکھ روپے لیے جارہے ہیں ۔ تفصیلات کے مطابق اے این پی کے صوبائی صدر اور اسفند یارولی کے صاحبزادے ایمل ولی نے پریس کانفرس کے دوران حکومت پر سنگین الزامات عائد کر دیئے ہیں ۔ ان کا کہنا تھا سرکاری ٹیسٹ جعلی ہو رہے ہیں ، لیبارٹریز اور ڈاکٹروں کو سمجھایا گیا ہے کہ 40افراد میں کم سے

کم 3سے 4افراد کا کرونا ٹیسٹ پازیٹو آنا چاہیے ۔ انہوں نے مزید الزامات لگاتے ہوئے کہا ہے کہ کہ حکومت کرونا وائرس سے ہونے والی فی موت پر 25لاکھ روپے وصول کر رہی ہے ۔ جو لوگ گھروں میں بیمارہیں وہ ہسپتالوں میں علاج کیلئے ہسپتالوں میں اس لیے نہیں لا رہے کیونکہ عوام کے ذہنوں میں یہ بات بیٹھی ہوئی ہے کہ حکومت پیسوں کیلئے زہر والے ٹیکے لگا رہی ہے اور ہر ہسپتال جانے والے شخص کو کرونا وائرس کیسز میں منتقل کر رہی ہے ۔