ؒلاہور(این این آئی) گلبرگ میں صدیق ٹریڈ سنٹر کے قریب ٹریفک وارڈنز کی جانب سے چالان کرنے پر رکشہ ڈرائیور نے مشتعل ہو کر اپنے رکشے کو آگ لگا دی جس سے رکشہ جل کر خاکستر ہوگیا ۔ پولیس نے رکشہ
ڈرائیور کو اپنی تحویل میں لے لیا ۔اندرون لاہور کے رہائشی رکشہ ڈرائیور عامر نے کہا کہ ٹریفک پولیس ناجائز چالان کرتی ہے، میرے پہلے ہی دو چالان ہو چکے تھے اور تیسرا چالان کر دیا، طیش میں آ کر اپنا رکشہ جلایا۔
