لاہور(این این آئی)پاکستان مسلم لیگ (ن) کی نائب صدر مریم نواز نے اپنے ٹویٹر پیغام میں اپنے والد کا اپنے نام لکھا گیا خط شیئر کرتے ہوئے کہاکہ نواز شریف نے وہ خط جیل مریم نواز کے نام لکھا ۔خط اس وقت لکھا گیا تھا جب نیب حکام نواز شریف کو گرفتار کرنے آئے تھے ۔خط کے متن میں تھا کہ نیب والے مجھے گرفتار کرنے آئے ہیں، اپنا خیال رکھنا اور گھبرانا نہیں، اللہ سے دعا ہے کہ ہم
سب کے لئے آسانیاں کرے، اللہ بہت رحم فرمائے گا۔میری دعائیں آپ کے ساتھ ہیں۔ مریم نواز کاکہناتھا کہ میرے لئے ہر دن ہی فادرز ڈے ہے،مگر آج کے دن اس چھوٹے سے خط سے بڑا کوئی ٹربیوٹ نہیں کہ ایک انتقام سے دوسرے انتقام کی طرف جاتے ہوئے بھی باپ کو اپنی ذات کی نہیں, دوسری کال کوٹھڑی میں پڑی بیٹی کی فکر ہے،ایسے والد پر قربان کرنے کے لئے ایک زندگی بہت کم ہے۔
