اسلام آباد(مانیٹرنگ ڈیسک)معروف میزبان طارق عزیز گزشتہ روز چل بسے ،اپنے آخری ویڈیو پیغا م میں طارق عزیز مرحوم نے کرونا کے خلاف لڑنیوالے ڈاکٹرز اور پیرامیڈیکس سٹاف کو خراج تحسین پیش کیا اور کہا کہ دیکھتی آنکھو! سنتے کانو! پاکستان کے عظیم ڈاکٹرز، پیرا میڈیکل سٹاف ، نرسز، آپ سب کو طارق عزیز کا سلام پہنچے۔

آج کل جہاں بھی جائیں، ایک ہی بات سننے کو ملتی ہے کہ یہ کرونا وائرس کب ختم ہوگا؟ اسکے بارے میں ابھی کچھ کہہ نہیں سکتا، لیکن پاکستان کے ڈاکٹرز، پیرا میڈیکل سٹاف ، نرسز نے جس جوانمردی سے اسکا مقابلہ کیا ہے وہ قابل داد ہے، اور یہ جس طرح اس بیماری سے لڑرہے ہیں، یہ انشاء اللہ کامیاب وکامران ہوں گے۔طارق عزیز نے اپنے ویڈیو پیغام میں اشعار سناکر پاکستان کے عظیم ڈاکٹرز، پیرا میڈیکل سٹاف ، نرسز کو خراج تحسین پیش کیا، اشعار کچھ یوں تھے۔

سنو اے مسیحا نفساں
لہو میں بھیگے تمام موسم
گواہی دیں گے کہ تم کھڑے تھے
وفا کے رستے کا ہر مسافر
گواہی دے گا
کہ تم کھڑے تھے
سحر کا سورج گواہی دے گا
کہ جب اندھیرے کی کوکھ میں سے نکلنے والے یہ سوچتے تھے
کہ کوئی جگنو نہیں بچا ہے
تو تم کھڑے تھے
تمہاری آنکھوں کے طاقچوں میں
جلے چراغوں کی روشنی نے
نئی منازل ہمیں دکھائیں، نئے دئیے ہم نے جلائے
تمہارے چہرے کی جھریوں نے
ھے ولولوں کو نمود بخشی
طارق عزیز نے آخر میں کہا کہ آپکی محنت جس انداز سے رنگ لارہی ہے، انشاء اللہ! یہ مرض پاکستان سے ختم ہوجائے گا۔